Magandang balita para sa mga train commuters dahil pagkakalooban sila ng Light Rail Transit Line 1 (LRT-1) at Line 2 (LRT-2) ng libreng sakay sa Lunes, Hunyo 12, Araw ng Kalayaan.

Matapos maligwak ang request: Paolo Duterte, pumayag manatili si VP Sara sa kaniyang opisina

Matapos maligwak ang request: Paolo Duterte, pumayag manatili si VP Sara sa kaniyang opisina

Ito'y bilang pakikiisa sa pagdiriwang ng ika-125 taon ng Araw ng Kalayaan ng bansa.

Sa abiso ng mga pamunuan ng LRT-1 at LRT-2, nabatid na maaaring i-avail ang libreng sakay mula 7:00AM hanggang 9:00AM at mula 5:00PM hanggang 7:00PM.

"GOOD NEWS, mga ka-riles! Bilang pagdiriwang ng ika-125 taon ng Araw ng Kalayaan, magkakaroon ng LIBRENG SAKAY para sa mga #LRT1 passengers sa darating na ika-12 ng Hunyo 2023 (Lunes) mula 7:00am – 9:00am at 5:00pm – 7:00pm," abiso ng LRT-1, na pinangangasiwaan ng Light Rail Manila Corporation (LRMC).

"Tara tren na! Ingat po sa biyahe!"

"Bilang pagdiriwang ng Araw ng Kalayaan sa Lunes, June 12, ihahandog ng LRTAbang libreng sakay para sa lahat ng pasahero sa mga sumusunod na oras:

7:00 AM - 9:00 AM

5:00 PM - 7:00 PM," ayon naman sa LRT-2, na pinangangasiwaan ng Light Rail Transit Authority (LRTA).