Magtatambal sa isang pelikula ng VIVA Films sina Julia Barretto at Diego Loyzaga na may pamagat na "Will You Be My Ex? (A Love To Remember) na mapapanood sa mga sinehan sa Hunyo 21.
Makikita sa opisyal na Facebook page ng VIVA Films ang official poster ng naturang pelikula.
"Would it last or would it be the last?... Would you make it official? Here's the Official Poster of 'WILL YOU BE MY EX?' Starring Julia Barretto, Diego Loyzaga, and Bea Binene. Directed by Real S. Florido."
Dagdag pa, "Mag-ungkatan tayo ng past this JUNE 21 in Cinemas Nationwide."
Ex-Pres. Duterte, ikakampanya si Quiboloy: 'Marami siyang alam sa buhay!'
Sa comment section ay makikita ang komento ng verified Facebook account ni Julia Barretto.
"June 21 in cinemas," aya niya sa lahat na tangkilikin ang kanilang pelikula ni Diego.
Sa comment section ng ibang social media pages na nag-ulat ng tungkol dito, "pinagdiskitahan" ng mga netizen ang pagkakataong si Bea Binene ang lalabas na "third party" sa karakter dito nina Julia at Diego.
Biro tuloy ng mga netizen, mukhang makakaharap na ni Julia si "Bea," ibang Bea nga lang! Well, mukhang ito na nga ang unang beses na nagsama sa isang proyekto sina Julia Barretto at Bea Binene, matapos maging VIVA artist ng huli.
Matatandaang nagkaroon ng isyu noon sa pagitan nina Julia at Kapuso star Bea Alonzo dahil kay Gerald Anderson. Ang huling proyektong pinagsamahan nina Julia at Bea ay sa teleseryeng "A Love to Last" sa ABS-CBN.
