Nagbigay na ng tiyak na pahayag at reaksiyon si Kapuso actor Paolo Contis sa balitang engaged na ang dating partner at ina ng anak na si LJ Reyes sa kaniyang non-showbiz boyfriend na si Philip Evangelista.
Naganap ang anunsyo sa mismong social media accounts ni LJ, kalakip ang ilang mga litrato nila sa New York City, USA.
“For I know the plans I have for you,” says the Lord. “They are plans for good and not for disaster, to give you a future and a hope. Jeremiah 29:11 NLT," caption ni LJ sa kaniyang post, na mula sa isang bible verse.
MAKI-BALITA: LJ Reyes, engaged na!
Empleyadong lasing, patay matapos sapakin ng ginising na katrabaho
Agad na natanong umano ng PEP kung ano ang masasabi ni Paolo tungkol dito.
"No comment" daw ang sagot ng aktor, na abala sa taping ng kaniyang bagong proyekto.
MAKI-BALITA: Paolo Contis, naurirat kung anong reaksiyon sa engagement ni LJ Reyes
Matatandaang noong Agosto 2021 ay kinumpirma ni LJ na hiwalay na sila ni Paolo at nag-migrate na sa New York kasama ang anak nila ni Paulo Avelino na si Aki, at anak nila ni Paolo na si Summer.
Matapos nito, umugong naman ang ugnayan sa pagitan nina Paolo at katambal na si Yen Santos, matapos nilang gawin ang "A Faraway Land" na mapapanood sa Netflix.
Nitong 2023 ay umamin na si Paolo sa tunay na estado ng relasyon nila ni Yen, na nag-level up na bilang "as a friend."
Tahimik lamang si LJ hanggang sa Martes, Mayo 30 ay bumulaga na nga ang posts niya, na engaged na siya kay Philip.
Pati ang mga netizen, napa-hugot na rin at napaisip ng "life realizations at reflections" dahil sa mga nangyari.
Sa latest namang panayam ni Nelson Canlas ng GMA kay Paolo, sinabi umano ng aktor na masaya siya para sa dating partner.
"Hi Nelson! Of course I’m very happy for her. She deserves to be happy,” ani Paolo na iniulat sa Chika Minute ng &t=82s">24 Oras kagabi ng Martes, Mayo 30.
Samantala, wala pang detalyeng inilalabas si LJ kung kailan ba ang aktuwal na kasal nila ni Philip.
