Kumakalat ngayon sa social media, lalo na sa , ang video ng pagtatanong ng isang showbiz reporter kay dating Ilocos Sur governor Luis "Chavit" Singson patungkol sa aktres na si Yen Santos, girlfriend ni Kapuso actor Paolo Contis, na noon ay na-link sa kaniya.
Nakorner ng press people si Chavit dahil dumating sa Pilipinas ang South Korean actor na si Lee Seung-Gi sakay ng kaniyang private plane. Bongga ang ganap ni Seung-Gi sa bansa dahil magiging business partners sila ni Chavit upang itayo ang "Little Seoul" sa Pilipinas. Ang mangyayari, kokopyahin sa naturang Little Seoul ang mga sikat na tourist attractions sa kapital ng SoKor para kahit hindi na makapunta sa Seoul ang mga Pinoy sa bansa, Korea feels na rin.
Anyway, naratrat nga ng tanong si Chavit patungkol sa kaniyang mga babaeng na-link sa kaniya gaya nina Vina Morales at Pops Fernandez.
Paglilinaw ng dating governor ng Ilocos Sur, kaibigan lang niya ang dalawa at tinutulungan ang mga ito.
Empleyadong lasing, patay matapos sapakin ng ginising na katrabaho
Ngunit mas tumatak sa mga netizen ang reaksiyon ni Chavit nang matanong naman siya tungkol kay Yen Santos.
"Itanong n’yo na lang kay Paolo (Contis)," medyo matagal na tugon ni Chavit sabay tayo at alis na.
Matatandaang inamin na ni Paolo Contis ang real score sa pagitan nila ni Yen, na matagal nang kontrobersyal matapos silang maispatang magkasama sa Baguio, sa kasagsagan ng isyu ng hiwalayan ng aktor kay Kapuso actress LJ Reyes na matagal niyang nakarelasyon at ina rin ng kaniyang anak.
BASAHIN: Paolo Contis, inaming dyowa na si Yen Santos, pero di raw dahilan ng hiwalayan nila ni LJ Reyes
