Nabagbag ang damdamin ng mga netizen at followers ni Kapamilya actress-vlogger Ivana Alawi matapos niyang mabibiyaan ng biyaya ang tatlong mapalad na estrangherong shoppers para sa "Hakot Grocery Challenge."
Sa naturang challenge, inatasan niya ang mga "accomplice" na kaniyang stylist, driver, at personal assistant na humanap ng mga estrangherong tutulong sa kanila sa pagkukunwari nilang na-short ang kanilang babayaran habang nasa cashier.
Ang kaniyang stylist, nagpanggap na nagkulang ang perang pambili ng diaper ng pamangkin habang ang driver naman ay kinulang sa pambili ng instant noodles ng anak na may sakit. Ang assistant naman niya, kunwari ay kinulang sa pambili ng canned goods.
Ang mga tumulong sa kanila ay pinahakot nila ng grocery items sa isang grocery store sa loob ng 3 minuto. Kung naka-subscribe naman sila sa kaniyang ">YT Channel, may dagdag na 1 minuto pa para makapaghakot pa sila.
50.78% examinees, pasado sa Nov. 2024 Licensure Exam for Agriculturists
Nakisali rin si Ivana sa paghahakot at talagang kahit tapos na ang oras, siya pa ang humihimok sa kanilang kumuha lang, lalo na sa panghuli na sako ng bigas ang nahakot.
Narito naman ang ilan sa mga reaksiyon at komento ng netizens.
"The fact na yung 100php na binigay ni kuya malaking bagay na dahil pang-ulam na din 'yon ng isang araw ng pamilya tapos tinulong ni kuya. Napaka-genuine pa ng tuwa nya kitang-kita talaga haha kudos to you kuya! And thank you miss Ivana 😊."
"The best ka talaga Ivana! Yung nginig sa boses ni Kuya dahil sa tuwa at excitement nakakasaya ng puso. Sana marami ka pang mapasaya na mga Kababayan natin. God bless you more Ivana! ❤"
"Bait talaga ni Ivana!"
Sa huli ay nagpasalamat si Ivana sa Puregold Makati matapos siyang payagang gawin ang Hakot Grocery Challenge.
