Natanong ang tinaguriang "Asia's Limitless Star" ng Kapuso Network na si Julie Anne San Jose kung posible bang tapatan niya sa isang back-to-back concert si Popstar Royalty Sarah Geronimo, sa "Fast Talk with Boy Abunda" nitong Miyerkules, Mayo 24, 2023.
Nagmula ang tanong sa isang netizen na nagngangalang "Maane Corpuz" mula sa kaniyang komento sa isang Facebook post. Si Julie Anne daw kasi ang pambato ng Kapuso Network pagdating sa concert.
Magalang na sagot ni Julie Anne, "Unang-una Tito Boy, hindi po ako lalaban because there is only one Sarah Geronimo. There can only be one Sarah Geronimo."
Hindi pa pala nakakatrabaho o nakaka-collab ni Julie Anne si Sarah kaya kung sakaling magkakaroon sila ng magkasamang proyekto, talagang paghahandaan ito ng una. Ready naman si Julie Anne kung sakaling mangyari ito, at talagang paghahandaan niya dahil isa si Sarah sa mga "impluwensya" at tinitingala niya pagdating sa industriya.
‘Immortal love?’ Enrile at misis nagdiwang ng 67th wedding anniversary
"She's one of the people that I really look up to and isa siya sa mga naging influences ko rin sa music," dagdag pa niya.
Katatapos lamang ng naganap na 20th anniversary concert ni Sarah kamakailan at talagang sold-out ito. Hindi man masyadong aktibo ngayon sa showbiz ay masaya na rin sa buhay-may-asawa ay hindi pa rin naman daw nawala ang brilyo at husay ni Popstar Royalty.
