Hindi pa rin napanalunan ang ₱158M jackpot prize ng Ultra Lotto 6/58 na binola ng Philippine Charity Sweepstakes Office (PCSO) nitong Martes ng gabi, Mayo 23.
Sa official draw results, walang nakahula sa 04-23-26-36-05-15 na winning combination ng nasabing lotto game, habang pumalo naman sa ₱158,821,760.80 ang papremyo. Gayunman, may 29 na nanalo ng tig-₱120,000 para sa second prize.
Samantala, wala ring nanalo sa Super Lotto 6/49 na may jackpot prize na ₱40,547,125.60 at may winning combination na 02-43-46-37-01-40.
Maging sa Lotto 6/42 na may premyong ₱19,162,515.20 ay hindi rin napanalunan dahil walang nakahula sa winning combination na 41-16-36-22-24-37.
Eleksyon
Ex-Pres. Rodrigo Duterte, tatakbong mayor sa Davao City; ayaw tumakbong senador?
Dahil walang nanalo sa mga nasabing lotto game, asahan na mas tataas pa ang mga papremyo.
Kaya abangan ang mga announcement ng PCSO hinggil sa mga jackpot prize.
Binobola ang Ultra Lotto 6/58 tuwing Martes, Biyernes, at Linggo, tuwing Martes, Huwebes, at Linggo naman ang Super Lotto 6/49 at kada Martes, Huwebes, at Sabado ang Lotto 6/42.
