Promising ang leading lady ni Wilbert Ross sa pinakabagong online series ng Puregold na "Ang Lalaki sa Likod ng Profile" na si Yukii Takahashi, na nagsimula bilang social media personality at ngayon ay pinasok na rin ang mundo ng showbiz at pag-arte, sa action-drama series na "FPJ's Batang Quiapo."
Natanong si Yukii ng press kung paano na ang time management niya gayong may content siya sa social media, may taping ng BQ, at ito ngang online series nila sa Puregold, sa naganap na media conference sa World Trade Center sa Pasay noong Huwebes, Mayo 18.
Sey ni Yukii, talagang siya na si "Curacha" ngayon at talagang nagawa niyang mag-taping sa Puregold series kahit may taping din sila sa BQ. Minsan pa nga raw, sa kotse na siya natutulog para mas makatipid sa oras.
Bagay na pinatotohanan naman ng co-cast member nila na si TJ Valderrama. Aniya, talaga raw masipag si Yukii at hindi pasaway sa set, kahit na baguhan pa lamang ito.
#WalangPasok: Class suspensions ngayong Biyernes, Sept. 20
Bukod dito, natanong din si Yukii kung may posibilidad bang ma-fall siya sa kaniyang katambal sa online series na si Wilbert.
Sagot ni Yukii, posible naman daw dahil mabait at marespeto naman daw si Wilbert, bukod sa guwapo ito. Mas tumitingin daw kasi si Yukii sa mga panloob na aspeto at hindi sa panlabas.
Anytime, panoorin ang "Ang Lalaki sa Likod ng Profile" sa opisyal na YouTube channel ng Puregold upang kiligin kina Bryce (Wilbert Ross) at Angge (Yukii Takahashi).
