Humihingi ng tulong ang misis ni Chito Miranda na si Neri Naig-Miranda na mahanap ang napaulat na solo parent ng triplets niyang anak, matapos siyang abandonahin ng kaniyang mister.
"Kung sino po ang may kakilala kay Mommy Mariz, kindly tell her po hinahanap ko po s'ya," ani Neri sa kaniyang Instagram post ngayong Linggo, Mayo 21.
Kalakip ng IG post ang screengrab ng ulat tungkol dito.
"Will share po Babyflo products and Moosegear diapers po sa triplets n'ya para kahit papaano po makabawas po sa poproblemahin nya sa gastusin. Bigyan ko rin po ng puhunan pang-negosyo. At kung ano pa po ang kayang maitulong kahit papaano…"
50.78% examinees, pasado sa Nov. 2024 Licensure Exam for Agriculturists
"Mommy Mariz, isang mahigpit na yakap po. Magpakatatag ka para sa mga anak mo," ani Neri.
Ang naturang single mom ay nakilalang si Mariz Sharmaine Matibag, 29-anyos, na nagsilang ng triplets o tatlong anak noong Enero 11, 2023 sa Ortigas Hospital and Healthcare Center.
Dalawang linggo matapos manganak ay bigla na lamang daw nawala ang kaniyang husband.
