Wala pa ring nanalo sa tumataginting na ₱32 milyong jackpot prize ng Super Lotto 6/49 na binola ng Philippine Charity Sweepstakes Office (PCSO) nitong Huwebes ng gabi, Mayo 18.
Sa official draw results na inilabas ng PCSO, walang nakahula sa winning combination na 19-23-33-46-07-29 ng Super Lotto 6/49 na may kaakibat na ₱32,531,505.40. Gayunman, may 14 na winners ang nanalo ng second prize na may halagang ₱50,000.
Eleksyon
Ex-Pres. Rodrigo Duterte, tatakbong mayor sa Davao City; ayaw tumakbong senador?
Wala ring nanalo sa ₱11,141,838.60 jackpot prize ng Lotto 6/42 na may winning combination na 15-05-41-21-01-27. Ngunit nasa 47 naman ang mag-uuwi ng ₱24,000 para sa second prize.
Kaya asahan na mas tataas pa ang papremyo sa susunod na bola.
Ang Super Lotto 6/49 ay binobola tuwing Martes, Huwebes, at Linggo habang kada Martes, Huwebes, at Sabado naman ang Lotto 6/42.
