Nagsilbing proud Mama si John Marie Villanueva, 24, mula sa Camiling, Tarlac, matapos siyang regaluhan ng kaniyang 6-anyos na anak noong Mother’s Day ng mga baryang umabot sa ₱280 mula inipon niyang baon.
Sa panayam ng Balita, ibinahagi ni Villanueva na mabait at mapagmahal talaga ang panganay niyang anak na si Marc Jilhan.
“First time po nangyari na nakapag-ipon po siya kaya nagulat din po ako,” kuwento ni Villanueva. “Maliit lang baon niya at halos araw-araw pag umuwi po siya, tinatanung ko po ano nabili niya, sumagot naman po siya [na] pagkain daw po. Kaya nong Mother's Day, talagang napaluha po ko sa tuwa sa nagawa niya.”
Sinabi raw ni Marc Jilhan na ibili nila ng bigas ang ₱280 dahil sa ito ang pangunahing kinakain at maging minimeryenda nila sa kanilang bahay.
World Mental Health Day: Ano nga ba pinagkaiba ng Anxiety, Stress at Depression?
“Alam niya po na lagi naming priority ang bigas, dahil ‘yun na rin po madalas niyang meryenda, ‘yung bahaw po,” saad ni Villanueva.
“Kaya ‘yun din po sagot niya sa akin noong Mother's Day. Busog naman daw po siya dito sa bahay kaya sa school di raw po gutom,” dagdag niya.
Hindi naman daw binili ni Villanueva ng bigas ang regalo sa kaniya, bagkus ay sinabi niya sa kaniyang anak na ibili ito ng meryenda para sa kanilang apat na magkakapatid.
Maraming netizens naman ang naantig nang i-post ito ni Villanueva sa Facebook.
Komento pa ng netizens:
“Super blessed ka po ate sa mga anak mo. yan po ang makakatulong sayo balang araw sobrang babait po nila 
“God bless you balong. 
“
“Good job, Mommy, for raising a good son.”
“Goodboy nmn ikaw baby nakakaproud mn tlga ikaw
–
Nais mo bang mai-feature ang iyong storya o ‘di kaya mayroon kang larawan at video na gusto mong i-share? I-message mo lang kami sa amingFacebookatTwitter!
