Isiniwalat ng Philippine Consulate in Hong Kong nitong Martes, Mayo 16, na isang overseas Filipino worker (OFW) sa naturang bansa ang nasawi matapos umanong mahulog sa bintanang nililinis niya.
Sa isang video, ipinahayag ni Consul General Raly Tejada ang kaniyang pakikiramay sa pamilya ng OFW sa nangyaring kalunos lunos na trahedya.
"Makakaasa po sila ng mga pagtulong ng ating gobyerno mula trahedyang ito,” ani Tejada.
Tiniyak din ng konsulado na nakikipag-ugnayan na ito sa pamahalaan ng Hong Kong para makahanap ng solusyon at magsagawa ng imbestigasyon sa nangyari.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Samantala, pinaalalahanan naman ang mga OFW sa Hong Kong na iwasang maglinis ng mga bintana sa matataas na palapag upang maiwasan umano ang mga katulad na aksidente.
Pinapayagan lamang daw na maglinis ng mga bintana sa mas matataas na palapag kung sila ay katabi ng isang balkonahe o karaniwang koridor.
Hindi rin umano sila dapat lumampas sa gilid ng bintana ang kanilang katawan, maliban sa kanilang mga braso.
