Ipinahayag ni Department of Tourism (DOT) Secretary Christina Garcia-Frasco nitong Martes, Mayo 16, na magkakaroon ang Pilipinas ng “enhanced tourism slogan” o country brand na papalit umano sa “It’s more fun in the Philippines” para mas maitaguyod ang bansa sa buong mundo.
Sa isang press briefing ng Palasyo, isiniwalat ni Frasco na maaaring ianunsyo ang nasabing slogan sa mga susunod na linggo pagkatapos umano itong ikonsulta sa tourism stakeholders.
“We are putting forth the best of the best of the Philippines to the world. Because it cannot be denied that we do give the world our best and while the Department of Tourism has not yet come out with an enhanced tourism slogan as that, as a country brand, I assure you, you’ll love it,” ani Frasco.
Sinabi rin niya na ang highlight ng naturang bagong marketing strategy ay ang "puso at kaluluwa" ng mga Pilipino.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
"[It] is evident in our culture – our festivals, our food, the local products of our small and medium enterprises, our living cultural heritage, everything that makes us diverse and unique and a proud Filipino people that give us pride of place,” ani Frasco.
Matatandaang inilunsad ang slogan ng turismo na “It’s more fun in the Philippines noong 2012 sa ilalim ng administrasyon ni dating pangulong Benigno Aquino III at pinanatili ng administrasyong Duterte.
