Umani ng iba't ibang reaksiyon at komento mula sa mga netizen ang kumakalat na video kung saan makikitang todo ang pagprotekta ng mall security guards kina Carlo Aquino at Eisel Serrano habang naglalakad sa loob ng isang mall.
Ayon sa ulat, nagkaroon ng mall show sina Carlo Aquino at Eisel Serrano na bumida sa pelikulang “Love You Long Time" na kalahok sa 2023 Summer Metro Manila Film Festival.
Makikita sa video na habang naglalakad ang dalawang bida ay nakahawak-kamay na sinusundan sila ng ilang security guards na nagsilbing "human shield" para sa fans na magtatangkang dumugin ang dalawa.
50.78% examinees, pasado sa Nov. 2024 Licensure Exam for Agriculturists
Ngunit sa video, makikitang wala namang dumudumog sa kanila; at kung may humahabol man, wala pa sa lima ang tumatakbo para masilayan sila.
Narito ang ilan sa reaksiyon at komento ng mga netizen.
"Hahahaha wait sino ba yun guy at girl? Ang OA ng mga guard wala naman taong dumudumog o lumalapit man lang sa kanila."
"OA sa dami ng guards ha!"
"Hahaha! Natawa naman ako dito. Ang feeling nila ha! Hindi naman dinumog ah! Kahit kung nandyan ako baka susulyapan ko lang noh."
"Mas marami pa yung guards kaysa sa mga sumunod na fans haha."
"Susme! BIG STAR???? Paka-OA naman. Baka kahit wala silang security lampasan ko lang sila."
Samantala, wala pang tugon, reaksiyon, o pahayag ang kampo nina Carlo at Eisel tungkol dito.
