Inaresto ng Pateros police ang isang 53-anyos na lalaki matapos mahulihan ng ilang armas noong Biyernes, Abril 21.
Ang suspek na kinilalang si Anthony Gopilan ay nasakote sa isang apartment sa Buenaventura Compound sa Barangay Sto. Rosario-Kanluran sa Pateros.
Ayon sa pulisya, nakatanggap sila ng ulat na may nanggugulo sa apartment.
Pagdating ng mga pulis, nakita nila si Gopilan na may hawak na baril at tatlong talim ng armas, at nagbanta pang sasaktan ang sarili.
DOH, nakapagtala ng 17 firework-related injuries sa loob lamang ng 24 oras
Agad siyang dinakip. Nakumpiska sa kanya ang isang .38-caliber revolver na kargado ng tatlong piraso ng live ammunition, at tatlong bladed na armas kabilang ang dalawang kutsilyo.
Dinala sa Pateros police station si Gopilan at sasampahan ng kasong paglabag sa Republic Act 10591 (Comprehensive Firearms and Ammunition Regulation Act) at Revised Penal Code for alarms and scandals.
Jonathan Hicap
