Isang panalo na lamang ang kailangan ng TNT ay maiuuwi na nila ang kampeonato matapos pataubin ang Ginebra, 104-95, sa Game 5 ng PBA Governors' Cup Finals sa Araneta Coliseum nitong Miyerkules ng gabi.
Dahil hindi na tinapos ni Justin Brownlee ang laban dahil sa food poisoning, kumubra ng triple-double si Tropang Giga import Rondae Hollis-Jefferson--32 points, 16 rebounds at 10 assists.
Rumatsada sa second half ang TNT at tinabunan ang 15 points na bentahe ng Gin Kings, lalo na nang umalis sa playing court si Brownlee dahil sa pagkalason.
Nauna nang naiulat na nakaranas ng pagsusuka si Brownlee at diarrhea ilang oras bago magsimula ang Game 5.
Sen. Bong Go, pinakiusapan si Sen. Imee na pagkasunduin muli sina PBBM, VP Sara
Naka-14 points lamang si Brownlee sa nasabing laban.
Maglalaban muli ang Gin Kings at TNT sa Game 6 sa nasabi ring venue sa Abril 21, dakong 5:45 ng hapon.
