Hindi napanalunan ang halos ₱62 milyong jackpot prize ng Ultra Lotto 6/58 na binola nitong Linggo, Abril 16.
Ayon sa Philippine Charity Sweepstakes Office, walang nakahula sa winning combination ng 21-17-20-46-54-56 na may tumataginting na ₱61,846,959.20 premyo.
Gayunman, siyam na bettors ang nanalo ng second prize na may halagang ₱120,000 habang 250 bettors ang nanalo ng ₱2,000.
Dahil dito, asahan na mas tataas pa ang jackpot prize.
Binobola ang Ultra Lotto tuwing Martes, Biyernes, at Linggo.
