Ibinahagi ng Manila International Airport Authority (MIAA) nitong Sabado, Abril 1, na pinaghahandaan na nila ang inaasahang 1.2 milyong pasahero sa apat na terminals ng Ninoy Aquino International Airport (NAIA) sa darating na Semana Santa.
Ayon sa MIAA, mula ngayong araw hanggang Abril 10 ay ilulunsad nila ang “OPLAN Biyaheng Ayos: Semana Santa 2023” para sa mga dadagsang pasahero sa airport.
Siniguro naman ni MIAA General Manager Cesar Chiong na may sapat na tauhan at kagamitan ang airport, tulad ng kuryente, tubig, air conditioning, at komunikasyon; amenities at "malasakit" kits para sa mga pasahero kung sakaling magkaroon ng flight disruptions; at mga help desk sa lahat ng mga terminal upang matugunan ang mga magiging problema ng mga pasahero.
“We’re prepared. We are doing all of these initiatives in order to give our riding public a seamless travel experience here at NAIA, especially since this is the first time that we’ll have quite a long Semana Santa after 2019,” ani Chiong noong Miyerkules, Marso 29.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
“One of the critical things we’re doing is talking to our government partners because it’s not just MIAA; there are more than 20 different government agencies working with us. Among the most important right now, which we see as a critical battleground in terms of managing the queues and the experience, is (the Bureau of) Immigration (BI), as well as our final security points under the Office for Transportation Security (OTS),” saad pa niya.
Ipinahayag din ni Co na nangangako rin ang BI na palalakasin nila ang kanilang manpower sa mga terminal sa Semana Santa, kung saan 63 immigration officers daw ang pansamantalang papasok mula sa main office at iba pang mga daungan.
Nakipagpulong din umano ang MIAA sa mga terminal supervisor ng BI upang matiyak na ang kanilang mga immigration counter ay may tauhan bago ang dagsaan ng pasahero.
Magtatalaga naman umano ang OTS ng karagdagang 50 personnel upang magsilbing baggage feeders at passenger controllers.
Nasa 100 OTS personnel din ang muling ide-deploy sa passenger screening points mula ngayong araw habang naka-take over umano ang MIAA sa non-passenger inspection areas sa airport complex.
“Airlines, meanwhile, were reminded to strictly adhere to the Air Passenger Bill of Rights and extend malasakit to the riding public, deploy enough sweepers to locate passengers requiring prioritization in immigration queues, open their check-in counters earlier when possible, and close them on time,” saad ng MIAA.
Nakaantabay din umano ang law enforcement agencies para masiguro ang ligtas at maayos na operasyon kasama ang Metro Manila Development Authority (MMDA) at lokal na pamahalaan ng Pasay City at Parañaque City.
“To service the increased demand for land transportation at NAIA, MIAA has urged its transport concessionaires to ensure maximum deployment of units, especially during peak hours of arrivals, and Point-to-Point (P2P) operators to deploy more buses plying the NAIA route. In addition, NAIA allows metered white taxis, while MIAA and Grab’s Airport to Anywhere program deploys a dedicated fleet of Grab-accredited vehicles with fixed pricing and no surge charges,” anito.
“To avoid possible delays, passengers are advised to check-in online, arrive at the airport on time—at least 3 hours before departure for international flights and 2 hours before departure for domestic flights—and go straight to the pre-departure area immediately after checking in,” dagdag ng MIAA.
Pinapaalalahanan din ang mga international inbound traveller sa Pilipinas na kumpletuhin ang eTravel registration online bago ang kanilang arrival para mapabilis umano ang pagproseso sa mga counter ng Bureau of Quarantine (BoQ) at BI.
Hinihikayat din ng MIAA ang mga Philippine passport holders na gamitin ang e-gates pagdating sa immigration.
