Morissette, wala raw binatbat sa 'legendary' anak na si Charice, sey ni Raquel Pempengco-Balita

Morissette, wala raw binatbat sa 'legendary' anak na si Charice, sey ni Raquel Pempengco

Usap-usapan ngayon ang "real talk" ni Raquel Pempengco, ina ni Jake Zyrus na unang sumikat hindi lamang sa Pilipinas kundi sa buong mundo bilang si "Charice Pempengco," matapos mapanood ang concert ng international singer-composer na si David Foster, kung saan tampok si Asia's Phoenix Morissette Amon.

Ayon sa Facebook post ni Mommy Raquel, "nothing compares" ang boses ng anak sa kahit na sinong singer sa Pilipinas na kakanta sa songs ni Foster.

"Talagang wala pa ring ipapalit sa alaska (isang brand ng gatas), " ani Mommy Raquel.

"Alam ko ang mga timbre ng boses na hinahanap mo DF (David Foster)… sinabi ko naman sa inyo noon pa… nag-iisa lang ang boses na 'yan. Kahit kanino mo pa ipakanta 'yang song mo… Di mabibigyan ng hustisya."

Bagama't walang binanggit na pangalan, naniniwala ang mga netizen na si Mori ang tinutukoy ng nanay ni Jake, dahil isa ito sa mga special guest ni David sa naging concert niya. Kinanta ni Asia's Phoenix ang "I Will Always Love You" na iconic song ni Whitney Houston, subalit hindi kagaya sa bersyon ni Charice noon, hindi nag-standing ovation ang Canadian singer-composer.

BASAHIN: https://balita.net.ph/2023/03/25/panourin-kaloka-morissette-amon-naghalimaw-sa-concert-ni-david-foster/">https://balita.net.ph/2023/03/25/panourin-kaloka-morissette-amon-naghalimaw-sa-concert-ni-david-foster/

NO GOOSEBUMPs… NO STANDING OVATION… Nothing compares… Nag-iisang legendary ng Pilipinas si Charice Pempengco."

Screengrab mula sa FB ni Raquel Pempengco

Paglilinaw rin ni Raquel, hindi si David ang nagbigay ng malaking break kay Charice kundi ang TV host-influencer na Oprah Winfrey.

Matatandaang nabalitang inetsa-puwera daw ni David si Jake nang makiusap itong bigyan siya ng raket o isama sa concerts niya.

BASAHIN: https://balita.net.ph/2022/11/19/jake-zyrus-dinedma-raw-ni-david-foster-nag-try-pala-lumapit-ulit-tinanggihan-siya/">https://balita.net.ph/2022/11/19/jake-zyrus-dinedma-raw-ni-david-foster-nag-try-pala-lumapit-ulit-tinanggihan-siya/

Samantala, wala pang tugon, reaksiyon, o pahayag si Morissette tungkol dito. Habang isinusulat ang balitang ito ay hindi na mahanap ang Facebook account ni Mommy Raquel.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...