Tatlong gintong medalya ang nasungkit ng Pilipinas sa pagsisimula ng International Weightlifting Federation Youth World Championships sa Ramazan Njala Sports Complex sa Durres, Western Albania nitong Sabado.
Sa tatlong gold medal, dalawa ang napasakamay ni Prince delos Santos sa men's 49kg category.
Nangunguna si delos Santos matapos sumalang sa snatch (92kg), gayunman, sumegunda lamang ito sa clean and jerk (113kg) kung saan nakuha nito ang kabuuang205kg para sa dalawang gintong medalya at isang silver medal.
Napitas naman ng isa pang Pinoy na si Eron Borres ang ikatlong gintong medalya para sa bansa sa pagsalang nito sa clean and jerk (114kg).
Sen. Bong Go, pinakiusapan si Sen. Imee na pagkasunduin muli sina PBBM, VP Sara
Nasa ikatlo lamang ito sa snatch (87kg) at second overall (201kg) sa unang pagsabak nito sa international competition.
Naka-silver at bronze medal naman ang taga-India na si DarushLoganathan sa snatch (88kg) at clean and jerk (112kg), ayon sa pagkakasunod, kung saan nakaipon ito ng kabuuang 200kg.
Philippine News Agency
