DICT, patuloy na nakikipagtulungan sa mga LGU para sa SIM Registration-Balita

DICT, patuloy na nakikipagtulungan sa mga LGU para sa SIM Registration

Upang mahikayat ang publiko na mag-register ng kanilang SIM, ang Department of Information and Communications Technology ay patuloy na nakikipag-ugnayan sa mga local government unit (LGU), na naglalayong maipalaganap ang SIM Registration at ang itinakdang panahon sa pagrerehistro.

Ayon kay DICT Undersecretary at Spokesperson Anna Mae Yu Lamentillo, mahalaga ang Tech4ED Centers para sa SIM Registration. Bukod dito, handang magbigay ng tulong para sa SIM Registration ang DICT, sa pamamagitan ng mga Regional at Provincial Offices.

“Upang mahikayat ang publiko na magparehistro ng kanilang mga SIM, patuloy po ang ating pakikipag-ugnayan sa mga LGU sa pagpapakalat ng impormasyon. Gayundin, ang facilitated SIM registration sa mga malalayong lugar ay patuloy pa rin na isinasagawa ng DICT sa pamamagitan ng NTC. Gayundin, ang DICT ay nag-aalok ng tulong sa SIM Registration sa aming mga DICT Regional at Provincial Offices, at pati sa ating mga Tech4ED Center,” pahayag ni Undersecretary Lamentillo sa isang panayam kasama ang Laging Handa.

Ayon sa datos na inilabas ng mga lokal na Public Telecommunication Entities (PTEs): Smart Communications Inc., Globe Telecom Inc., at DITO Telecommunity Corp. - para sa ika-21 ng Marso 2023, umabot na sa 49,203,064 ang bilang ng mga subscriber na nakapagrehistro. Ito ay 29.12% ng kabuuang bilang na 168,977,773 subscriber sa buong bansa.

Naitala ng Smart Communications Inc. ang 25,097,454 bilang o 36.91% ng kanilang 67,995,734 subscribers. Iniulat din ng Globe Telecom Inc. na 20,412,643 na ang rehistrado sa kanila, 23.23% ng kanilang 87,873,936 subscribers. Para naman sa DITO Telecommunity Corp., 3,693,064 na ang rehistrado o 28.17% ng kanilang 13,108,103 subscribers.

Ang DICT ay patuloy na nagpapaalala sa publiko na maging maingat at mapanuri habang nagrerehistro ng kanilang mga SIM. Gamitin lamang ang mga opisyal na website link ng mga PTE:

• SMART - smart.com.ph/simreg or simreg.smart.com.ph

• GLOBE - new.globe.com.ph/simreg

• DITO - https://digital.dito.ph/pto/download/app

Para sa mga tanong o report ukol sa SIM Registration, maaring tumawag sa 1326. Maaari ring tumawag sa mga numerong ito upang marating ang DICT:

SMART: 0947 714 7105

GLOBE: 0966 976 5971

DITO: 0991 481 4225

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...