Nagpahayag ng suporta ang PBA player na si Marc Pingris sa kapwa basketbolista niyang si LA Tenorio matapos nitong isiniwalat na na-diagnose siya ng Stage 3 colon cancer.
BASAHIN: LA Tenorio, na-diagnose ng Stage 3 colon cancer
Sa kaniyang Facebook post nitong Martes, Marso 21, nagbahagi si Pingris ng larawan sa loob ng basketball court kasama ang matagal nang nakakalarong beteranong basketbolista.
“Dasal lang tol, kaya yan! Ikaw pa ang lakas mo na tao. Kaya ka nga #ironman eh,” saad ni Pingris.
“Dito lang kami tol, madami nagmamahal sayo at nag dadasal!! Pagaling at palakas ka L.A. Tenorio!!
“See you soon sa laro ng PBA!” saad pa ni Pingris sa kaibigan.
Nasa 17 years nang PBA player si Tenorio at matagal na panahon na ring naglalaro sa national team ng bansa na ‘Gilas Pilipinas’, kung saan nakasama rin niya si Pingris sa pakikipagbakbakan sa court ng iba’t ibang mga bansa.
