Hinikayat ng pamunuan ng Philippine Charity Sweepstakes Office (PCSO) ang publiko na magtungo na sa pinakamalapit na lotto outlets sa kanilang lugar at tumaya na sa kanilang lotto games.
Ito’y dahil milyun-milyon na naman ang mga papremyo ng lotto games ng PCSO na naghihintay upang mapanalunan nila.
Sa inilabas na jackpot estimates ng PCSO, nabatid na aabot na sa higit₱49.5 milyon ang jackpot prize ng UltraLotto 6/58 habang₱8.9 milyon naman ang papremyong ipamimigay ng MegaLotto 6/45, na kapwa bobolahin ngayong Biyernes, ganap na alas-9:00 ng gabi.
“Itodo ang saya, subukan ang swerte. Sugod na sa mga lotto outlets at bumili na ng mga tickets ninyo,” ayon pa sa PCSO.
Empleyadong lasing, patay matapos sapakin ng ginising na katrabaho
Una nang sinabi ni PCSO Vice Chairperson at General Manager Melquiades Robles na walang talo sa pagtaya sa lotto, dahil sa halagang ₱20 lang ay may pagkakataong nang maging lotto millionaire, at nakatulong pa sa mga kababayan nating nangangailangan.
Ang UltraLotto 6/58 ay binobola tuwing Martes, Biyernes at Linggo habang ang MegaLotto 6/45 ay may draw naman tuwing Lunes, Miyerkules at Biyernes.
