Hinikayat ng Philippine Charity Sweepstakes Office (PCSO) ang publiko na magtungo na sa pinakamalapit na PCSO outlets sa kanilang lugar at tumaya na ng lotto.
Ayon sa PCSO, milyun-milyong papremyo na naman ang naghihintay sa kanilang mga parokyano sa gagawing lotto draws ngayong alas-9:00 ng gabi ng Martes.
Sa inilabas na jackpot estimates ng PCSO, nabatid na ang jackpot prize ng SuperLotto 6/49 ay aabot na sa higit P15.8 milyon.
Samantala, ang jackpot prize naman ng Lotto 6/42 ay tinatayang papalo na sa₱14.5 milyon.
#WalangPasok: Class suspensions ngayong Biyernes, Sept. 20
“Ano pang hinihintay ninyo, sugod na sa mga lotto outlets at bumili na ng mga tickets ninyo,” ayon pa sa PCSO.
Una nang sinabi ni PCSO Vice Chairperson at General Manager Melquiades Robles na walang talo sa pagtaya sa lotto, dahil sa halagang₱20 lang ay may pagkakataong nang maging lotto millionaire, at nakatulong pa sa mga kababayan nating nangangailangan.
Ang SuperLotto 6/49 ay binobola tuwing Martes, Huwebes at Linggo, habang tuwing Martes, Huwebes at Linggo naman ang bola ng Lotto 6/42.
