May pahayag si Manay Lolit Solis kasunod ng mga bali-balitang may posibilidad na layasan ng original hosts na sina Tito Sotto, Vic Sotto, at Joey De Leono TVJ, ang longest-running noontime show na “Eat Bulaga” at sa tsikang hinihilot daw si Wowowin host Willie Revillame na siyang pumalit sa trono ng tatlo sa Eat Bulaga.
Sey ni Lolit sa kaniyang IG post nitong Linggo, Marso 5, na wala raw puwedeng tumalo sa Eat Bulaga at wala raw puwedeng pumalit sa TVJ dahil hindi raw kakayanin ng kahit sino ang humor at charms ng tatlo.
"Alam mo Salve nakakatawa iyon mga releases na nagsasabi na tiyak si Willie Revillame ang magiging kapalit sa Eat Bulaga timeslot. Walang puwede tumalo sa Eat Bulaga o kila Tito at Vic Sotto plus Joey de Leon. Wala puwede pumalit sa tatlo. Hindi kakayanin ng kahit sino ang humor at charms ng Tito, Vic and Joey," aniya.
"Kaya huwag ng pilitin ng mga taong malapit kay Willie na gamitin sa press release na ito ang magiging magandang kapalit kung sakali man tutoo na lilipat ang Eat Bulaga," dagdag pa niya.
Willie Revillame, hinihilot na raw lumipat sa Eat Bulaga kapag nag-babu ang TVJ?
Binanggit din ni Lolit na iba na raw ang lagay ng popularidad ni Willie, hindi na raw umano ito mainit sa viewers kaya't mahina ang magiging dating.
"Kahit ano sabihin, iba narin ang lagay ng popularity ni Willie. Hindi na ito kasing sikat ng dati, hindi na ganuon ka init sa viewers. Kaya hindi magiging maganda replacement ng Tito. Vic and Joey. Mahina ang magiging dating," sey niya.
"Mas mabuti pa nga siguro na itry ng GMA7 ang mga bago nilang talents para sa isang noontime show. Malay mo mas maganda pa ang maging dating nito. Why not ? Bongga pa di ba!"
Ayon sa ulat ng “Bilyonaryo,” ang sinasabing nagnanais ng rigodon sa loob ng EB management ay si dating congressman Romy Jalosjos na co-founder ni Tony Tuviera sa Television and Production Exponents (TAPE).
Kapag nangyari ito, sasama umano ang TVJ at ilang hosts kay Tony at bubuo sila ng isang noontime show na tatawaging “Dabarkads.” Isasama umano nila sina Jose Manalo, Wally Bayola, Allan K, at Maine Mendoza. Si Maine ay balak naman daw tanggalin ng anak ni Jalosjos.
