Laugh trip ang netizens sa naging komento ni Kapuso star Barbie Forteza sa kaniyang boyfriend na si Jak Roberto, matapos nitong i-flex ang abs at magandang katawan.
Sa kaniyang litratong naka-post sa Instagram, makikitang walang suot na pang-itaas kaya kitang-kita ang naghuhumiyaw nitong mga "pandesal" at magandang hubog ng pangangatawan na alagang-alaga sa gym.
Ang tanging suot lamang ni Jak ay isang shorts na kulay-brown.
Bagay na sinita naman ng kaniyang girlfriend.
Marcoleta, pinigilang magtanong tungkol sa proposed ₱6.352-trillion 2025 nat'l budget
"Bibilhan kita ng shorts ha. Kota na 'yan e 😂😍🥰," ani Barbie.
Tumugon naman dito ang jowa, "kakalaba lang kaya yan ang nakuha 😂."
Bago pa sumikat ang tambalang "FiLay" nina Barbie at David Licauco sa katatapos na hit teleseryeng "Maria Clara at Ibarra," kinakiligan muna ang real-life tambalan ng magjowa na kilala bilang "JakBie" o kaya naman ay tinatawag ding "BarJak."
Sigaw ng netizens, sana naman daw ay magkaroon ng spin-off ang FiLay sa isang serye at isama rito si Jak para "magkaalaman" na.
