Mukhang nakarating na sa kaalaman ng lalaking pinaghahanap ni Sexbomb Girls member Sunshine Garcia ang ipinost nitong selfie nila, matapos siyang i-tag ng mga netizen dahil sa panawagan ni Shine na hanapin siya.
Ayon sa Facebook post ni Sunshine, gusto sanang magpa-selfie ang lalaki kay Sunshine subalit wala itong dalang cellphone. Bawal kasi ang pagdadala nito sa oras ng trabaho. Kaya ang ginawa ni Sunshine, siya na lamang ang nag-selfie sa kanilang dalawa. Hinahanap niya ngayon ang social media ng lalaki upang makuha na nito ang kanilang selfie.
"HELP PLS.😬😅," ani Sunshine sa kaniyang caption.
"Gusto magpa-pic ni kuya pero wala syang celfone bawal sa work sabi ko Sige ako na magpicture isesend ko sayo😂 hindi pala kami closed😂😂."
Lalaking empleyado sa isang furniture shop, 'wanted' kay Sunshine Garcia
"Kaya kung sino man nakakakilala sa kanya pakitag na lang please baka sabihin nya Jinojoke ko sya😅," aniya.
Marami naman ang natuwa at humanga sa misis ni Bulacan Vice Governor at aktor na si Alex Castro dahil ang ibang artista, celebrity, o social media personality raw ay naiisyung isnabera o hindi namamansin, si Sunshine naman daw ay kabaligtaran nila.
Sa isang Facebook post ay nagpasalamat naman ang tinukoy na lalaki na si "Ivan Dominique I. Calma" dahil finally ay nakarating na sa kaniya ang mga litrato nila ni Sunshine!
Ibinahagi ni Ivan ang kanilang kumbersasyon nang mga oras na iyon.
"Me: Gusto ko po sana magpa-picture kaso po yung phone ko nasa counter bawal po gamitin on duty. Next time na lang kapag may pagkakataon po ulit."
"Ma'am Sunshine: Dito na lang sa phone ko send ko na lang sa'yo bigay mo Viber mo."
"Me: Okay lang po ba?"
"Ma'am Sunshine: Oo naman!"
"Sa saya ko nakalimutan ko ibigay yung Viber account ko and hindi siya agad-agad makabalik sa branch dahil po sa sobrang busy po siguro nila ni Vice Gov. Alex Castro sa work para tumulong sa mga tao."
"Thank you so much Ma'am Sunshine sa pag-post ng picture ☺️ I appreciate it so much po. Napakabait n'yo po🫡."
"Thank you sa mga nag-tag sa akin para makarating sa akin ang post na ito, appreciate it all so much!"
"This is Ivan Dominique I. Calma from Furniture republic. God Bless Us All."
Sa comment section naman ng ulat ng Balita tungkol dito ay nagkomento rin si Ivan at nagpasalamat.
"Thank you sa mga tags para makarating sa akin yung post☺️ sobrang saya ko nung nalaman at nakita ko yung post😍 maraming salamat po sa inyong lahat at syempre kay Ma'am Sunshine, thank you so much sa pag-post po. Ingat po kayo palagi. God bless po sa ating lahat," ani Ivan.
Wala pang tugon o reaksiyon si Sunshine tungkol dito.
