Muling inalala nina Senador Juan Miguel Zubiri at Loren Legarda nitong Biyernes, Pebrero 24, ang kanilang karanasan nang mangyari ang EDSA People Power Revolution noong 1986.
Sa ginanap na media briefing ng Senate-ratified Regional Comprehensive Economic Partnership (RCEP) sa Centennial Hall sa Manila Hotel, ibinahagi ni Zubiri na 16-anyos siya at nag-aaral sa High School nang mangyari ang EDSA revolution.
“I was a 16-year-old boy in High School. We were not as political as we are now. Nakita natin ang samahan ng taumbayan na pumunta sa EDSA sa malaking pagsasama-sama,” ani Zubiri.
“How can we make use of all our historical knowledge that we fought for, for a stronger nation? We are pre-positioned in Asia, we can send goods to all over nations. We should move forward, look forward with no politics, set aside politics and unite for our people,’’ dagdag niya.
PNP, nakasamsam ng tinatayang <b>₱20B halaga ng ilegal na droga sa buong 2024</b>
Samantala, ibinahagi naman ni Legarda na 16-anyos din siya at nagtatrabaho sa Los Angeles bilang isang mamamahayag nang mangyari ang EDSA People Power Revolution.
“Actually I was 16 years old when EDSA happened. I was a journalist in America at that time. I left during martial law and EDSA People Power happened when I was working in Los Angeles,’’ aniya.
Binigyang-diin din ni Legarda na mahalagang pahalagahan ng bansa ng kasalukuyan ang demokrasyang pinaglaban ng mga Pilipino noong mga panahong iyon.
‘’There were always lessons, we value our democracy, we value our free speech, diversity and still find unity in our diversity. We value our freedom, democracy, what we fought for in history as a nation and as a people,’’ ani Legarda.
