Nag-aalok ng libreng sakay ang Samahang Basketbol ng Pilipinas (SBP) para sa mga fan na manonood sa laban ng Gilas Pilipinas sa final window ng FIBA World Cup Asian Qualifiers sa Philippine Arena sa Bocaue, Bulacan sa Pebrero 24.
Sa pahayag ng SBP, ang free shuttle service ay exclusive lamang para sa mga ticket holder sa laro ng Gilas laban sa Lebanon sa Biyernes dakong 6:00 ng gabi.
"The shuttle service will start at 2 PM at SM Grand Central and SM North EDSA. The passengers who availed of the free shuttle to Bocaue can also get a free ride back to Metro Manila," ayon sa Facebook post ng SBP.
Paalala ng SBP, ang libreng sakay ay "first come, first served basis."
Sen. Bong Go, pinakiusapan si Sen. Imee na pagkasunduin muli sina PBBM, VP Sara
"Tickets are still available! Just visit www.smtickets.com or any SM outlet nationwide," dagdag pa ng SBP.
Bukod sa Lebanon, haharapin din ng Gilas ang Jordan sa nasabi ring venue sa Pebrero 27, dakong 6:00 ng gabi.
Sa kasalukuyan, nasa ikatlo ang Gilas Pilipinas sa Group E, taglay ang 5-3 record.
