Malaki ang pasasalamat ng Kapamilya singer na si Darren Espanto nang ipakilala siya bilang pinakabagong hurado sa “Tawag ng Tanghalan” ng ABS-CBN noontime show na “It’s Showtime,” Lunes, Pebrero 21.
Bago tuluyang maupo bilang hurado, nagpasiklab muna si Darren nang i-perform nito ang “This is Me” mula sa pelikulang “The Greatest Showman,” at medley ng mga klasikong awiting “Con Te Partirò” at “The Phantom of the Opera.”
Bagama’t may halong kaba ay game na game namang nakipag-kulitan si Darren sa mga “Showtime” hosts, kasabay ng papuri nito sa mga kapwa niya hurado na sina Louie Ocampo at Klarisse de Guzman.
“Grabe po ang kaba ko ngayon kasi siyempre ang dami pong magagaling ngayon, nandito si Sir Louie at Klarisse,” aniya.
VP Sara sinabing si Romualdez ang gustong pumatay sa kaniya
Hindi naman nakalimot ang singer na magpasalamat sa kaniyang mga tagasuporta.
“"Maraming salamat. Good afternoon sa inyo mga ‘DARRENatics,’ maraming salamat po sa pagsuporta at maraming salamat sa pag-welcome sa akin ngayong hapon,” lahad ng 21-year-old singer.
Sa Instagram, nagpasalamat muli “Asia’s Pop Heartthrob” sa kaniyang “Showtime” family.
“I AM NOW A TNT HURADO! Thank you po for welcoming me, Showtime Fam! It's both an honor and a pleasure,” sey ni Darren sa caption.
Mapapanood ang “Tawag ng Tanghalan” sa “It’s Showtime” mula Lunes hanggang Sabado, sa lahat ng Kapamilya platforms.
