Hindi makapaniwala ang “Passenger Seat” hitmaker na si Rockwell Ryan Ripperger at ang kaniyang crew ng bandang Stephen Speaks na walang effort na umubra at nasuhulan ang isang traffic enforcer sa Maynila ng selfie matapos mahuli ang sinasakyang Grab na ag-beat the red light.
Ito ang maikling kuwento ng banda sa kanilang Facebook post nitong Biyernes, Peb. 17 na umani ng sari-saring reaksyon mula sa netizens.
#WalangPasok: Class suspensions ngayong Biyernes, Sept. 20
“Our Grab (like Uber) driver just got pulled in Manila over for running a red light, and my tour crew bribed him with a selfie with me to let us go. He said he sings Passenger Seat at the karaoke bar,” mababasa sa Facebook post ng banda.
“I was like…. I can’t believe that actually worked, ” dagdag nito.
Anang maraming netizens sa banda: “Welcome to the Philippines!”
Gayunpaman, hindi ito ikinatuwa ng ilan.
“Not sure this is something to be proud of? No one is above the law. Just my two cents,” komento ng isang fan.
“I’m a fan of his but this is wrong. Advertising that the law can be bent on someone else's advantage. Not good,Stephen Speaks,” dagdag ng netizen.
Nasa mahigit 1,300 reactions na ang naturang post sa pag-uulat.
