Hindi na pinaporma ni Pinoy boxer Eumir Marcial si Argentinian fighter Ricardo Villalba matapos patumbahin ng dalawang beses sa Alamodome in San Antonio, Texas nitong Sabado.

Napilitang itigil ng reperi ang laban matapos na bumagsak ng dalawang beses si Villalba.

Unang lumuhod si Villalba matapos tumanggap ng sunud-suntok ni Marcial, 23 segundo na lamang ang nalalabi sa opening round.

Sa ikalawang round, bumagsak muli si Villalba kaya napilitang itigil ng reperi ang laban na aabot sana ng ikawalong round.

National
Sen. Bong Go, pinakiusapan si Sen. Imee na pagkasunduin muli sina PBBM, VP Sara

Sen. Bong Go, pinakiusapan si Sen. Imee na pagkasunduin muli sina PBBM, VP Sara

Hindi pa rin natatalo si Marcial bilang professional boxer, taglay ang 4-0 record.

Ito naman ang ikaapat na sunod na pagkatalo ni Villalba na lumagpak rekord na 20-8-1 sa kanyang professional career.

Unang laban din ito ni Marcial mula nang talunin nito matapos pataubin si Steven Pichardo sa Carson, California noong Oktubre 2022.