Nagpasalamat si Senador Imee Marcos sa mga netizen na nanood ng official trailer ng bagong pelikula ni Darryl Yap na “Martyr or Murderer” na umabot na sa 1 million views sa loob lamang ng 24 oras.
"Maraming salamat po!" maikling saad ng senadora sa kaniyang official Facebook page nitong Biyernes, Pebrero 10.
50.78% examinees, pasado sa Nov. 2024 Licensure Exam for Agriculturists
Ibinahagi ng VIVA Films ang milestone na ito sa kanilang Facebook page.
"Papunta pa lang tayo sa second part! 1 MILLION TRAILER VIEWS across all social media platforms!" anang VIVA Films.
"Ramdam na ramdam namin ang excitement niyong ituloy ang kwento ng pamilya! 'Wag bibitiw dahil malapit niyo nang mapanood ang 'MARTYR OR MURDERER'," dagdag pa nito.
Matatandaang inilabas ng VinCentiments noong Huwebes, Pebrero 9, ang official trailer ng "MoM" na magsisilbing karugtong ng pelikulang “Maid in Malacañang” na patungkol umano sa mga pangyayari sa pamilya Marcos sa kasagsagan ng EDSA People Power I Revolution noong 70s.
"Limang Tagpo sa Kasaysayan
Apat na Dekadang Katahimikan
Tatlong Bansang Pinangyarihan
Dalawang bersyon ng Katotohanan
Nag-iisang Inang Bayan.
"Hindi pa Tapos ang Kasaysayan
Ang Karugtong ng Maid in Malacañang," saad sa caption ng VinCentiments.
Mapapanood ang "Martyr or Murderer" sa Marso 1, 2023.
