Hindi napakinabangan ng NorthPort ang pagbabalik sa laro ng shooting guard na si Robert Bolick matapos matalo ng Ginebra San Miguel ang kanilang koponan sa PBA Governors' Cup sa Mall of Asia Arena sa Pasay nitong Biyernes.
Sa pamamagitan ng 115-100, naiuwi ng Gin Kings ang panalo, tampok ang triple-double ni Ginebra import Justin Brownlee.
Humakot ng 22 si Brownlee, bukod pa ang 15 rebounds, 12 assists, at tatlong steals.
Nakapagtala naman ng career-high 28 points si Jamie Malonzo, dagdag pa ab 10 rebounds nito. Naitala naman ni Nards Pinto ang 18 puntos.
Amihan, ITCZ, patuloy na nakaaapekto sa malaking bahagi ng bansa – PAGASA
Rumatsada rin sa Gin Kings si Jonathan Gray sa nakolektang 16 puntos habang naka-12 puntos naman si Aljon Mariano.
Sa pagkapanalo ng Gin Kings, nabale-wala ang 30 puntos ni Bolick sa unang laro nito sa Governors' Cup, pati na rin ang nahakot na38 puntos ng import ng Batang Pier na si Kevin Murphy.
Hawak na ng Ginebra ang 3-0 rekord habang nabaon naman sa 0-5 ang NorthPort.
