Masayang inanunsyo ng online personality na si Toni Fowler na bahagi siya ng ABS-CBN teleserye na “FPJ’s Batang Quiapo” na pagbibidahan nina Coco Martin at Lovi Poe.
Sa isang Facebook post, ni-reveal ni Toni ang kanyang character name na “Chikey” at napuno naman ng excitement ang mga followers ng vlogger.
Sa naganap na press conference ng “Batang Quiapo," ibinahagi ni Coco Martin, na siya ring direktor ng nasabing teleserye, na siya mismo ang pumili kay Toni para sa role.
“‘Nung nagbubuo ako ng community, sabi ko, naghahanap ako ng totoong tao kasi alam ko sa pamamagitan nila (mga vloggers), makakarelate ang maraming tao,” lahad ni Coco.
Archdiocese of Manila, hindi mag-eendorso ng kandidato sa eleksyon
Kasabay naman ng pasasalamat ni Toni kay Coco sa oportunidad na ibinigay sa kanya, ikwinento nito ang magiging papel niya sa serye.
“Ang role ko dun ay ako ‘yung magiging bad influence na mag-iimpluwensiya kay Ms. Lovi, ang aking bessy na mapunta sa maling landas na ayaw mo maging kaibigan ng anak mo kasi maraming ganitong klase ‘di ba? Parang hala saan ka ba mapupuntang environment… ‘B.I.’ talaga,” aniya.
Dagdag pa ni Toni, hindi niya raw inaasahan ang pagtawid nito mula social media papunta sa telebisyon.
“Ako wala akong masabi, galing sa puso ko na sobrang thankful ako kasi hindi lahat ay nabibigyan ng (social media artist) pagkakataon na maging artista. Tulad nga ng sabi ko ‘nun kay direk, ‘Lahat ay pu-puwedeng mag-open ng sariling YouTube channel, pero hindi lahat nakakatungtong sa TV.’ So ‘yun pa lang sobrang thankful na kami. Isipin niyo po napakaraming mabibigat na artista pero sinasama niya po kami kahit saan, walang malaki, walang maliit, walang beterano, walang nagsisimula pa lang, so thank you po direk, maraming salamat po,” lahad ni Toni.
Mapapanood ang “FPJ’s Batang Quiapo” sa lahat ng ABS-CBN platforms simula sa darating na Lunes, Pebrero 13 at siyang papalit sa timeslot ng “Darna.”
