Niyanig ng magnitude 5.1 na lindol ang probinsya ng Camarines Norte nitong Martes ng gabi, Pebrero 7, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang nasabing lindol na tectonic ang pinagmulan kaninang 9:46 ng gabi.
Namataan ang epicenter ng lindol 15 kilometro ang layo sa hilagang-silangan ng Tinaga Island sa Vinzons, Camarines Norte, na may lalim na 001 kilometro.
Naiulat ang instrumental intensities sa mga sumusunod na lugar:
Catanduanes, niyanig ng magnitude 6.1 na lindol
Intensity V - Mercedes, Camarines Norte
Intensity IV - Daet, Camarines Norte
Intensity III - Ragay, Camarines Sur
Intensity II - Tabaco, Albay; Iriga City, Camarines Sur; Guinayangan, Polillo, Quezon
Intensity I - Legazpi City, Albay; Lopez, Gumaca, Mulanay, Mauban, Quezon
Pinag-iingat ang mga residenteng kalapit ng nasabing lindol sa mga posibleng aftershocks.
Wala namang inaasahang pinsalang maidudulot ng nasabing pagyanig.
