Ibinahagi na rin sa publiko ng kilalang social media personality at negosyanteng si "Madam Kilay" ang mukha ng kaniyang anak na si "Baby Lakas" sa kaniyang social media platforms.
Noong Enero 25 ay unang ibinahagi ni Madam Kilay na isinilang na niya ang kanilang baby ng afam fiance na si "Michael", batay sa kaniyang social media post.
Binigyan nila ng palayaw ang anak bilang si "Baby Lakas".
Ani Madam Kilay, matagal nilang hinihintay ang paglabas ni Baby Lakas, at finally, heto na nga siya!
₱45 per kilong bigas, mabibili na sa NCR simula Nobyembre 11
"Ang tagal ka naming inintay Anak ko #Lakas 🍼👶 finally💚🙏," saad sa caption ni Madam Kilay. Naka-tag ito sa Facebook account ng kaniyang jowa.
Bumuhos naman ang mga pagbati ng followers at subscribers ni Madam Kilay sa comment section.
Ilang araw lamang ang nakalilipas ay may pa-face reveal na si Madam Kilay sa kanilang "Little Lakas" na ginawan pa nila ng sariling Facebook page.
May isa pang photo na makikitang kalong siya ng kaniyang amang si Michael.
Matatandaang noong Abril 2022 ay inihayag ni Madam Kilay na engaged na sila ni Michael.
