Matapos ang balitang gagawan ng movie adaptation ang bestselling romance novel na “It Ends With Us,” inanunsyo ng may-akda na si Colleen Hoover na sina Blake Lively at Justin Baldoni ang bibida sa nasabing pelikula.
“CAST ANNOUNCEMENT for #ItEndsWithUsMovie! ❤️ So grateful to all of you for the support. AND TO YOU, MOM 😍,” caption ng Instagram post ni Hoover kahapon, Enero 27, kalakip ang isang video ng kaniyang pag-aanunsyo tungkol sa bibida sa pelikula.
Sa nasabing video, unang pinasalamatan ni Hoover ang kaniyang ina na siyang naging inspirasyon niya sa kuwento ng nasabing nobela.
“The fact that we are now discussing a movie that’s made from a book that was loosely inspired by my mother is bittersweet,” ani Hoover.
DOH, nakapagtala ng 17 firework-related injuries sa loob lamang ng 24 oras
“Anyway, I didn't mean for this to turn into a sobfest. Our Lily is going to be played by Blake Lively. Blake Lively, y’all. She’s my dream Lily,” pahayag pa nito.
Matatandaang nauna nang bumida ang nasabing American actress sa iba’t ibang serye o pelikula tulad ng Gossip Girl at The Age of Adaline.
Samantala, naging excited din si Hoover nang ianunsyong ang gaganap na bidang lalaki ay ang American actor at filmmaker na si Justin Baldoni na matatandaang bumida sa Jane the Virgin.
“I just thought that he had what it takes to play that character, and the good news is he’s gonna be Ryle,” ani Hoover.
“I think that Justin Baldoni and Blake Lively have what it takes to bring these characters to life.”
Nailathala ang bestselling romance novel na “It Ends With Us” noong taong 2016. Tungkol ito sa pag-iibigan ng small-town girl na si Lily at neurosurgeon na si Ryle na malalagay sa panganib lalo na nang magpakita muli ang first love ni Lily na si Atlas.
