Binasag na ng Vivamax star na si Ava Mendez ang kaniyang katahimikan sa umano'y engagement nila ng rapper boyfriend na si Skusta Clee.
Matatandaang naging usap-usapan sa social media ang umano'y video ng engagement ni Skusta Clee sa kaniyang kasintahang si Ava Mendez.
Skusta Clee engaged na sa kasintahang si Ava Mendez?
Makikita kasi sa TikTok video na galing sa pagkakaluhod si Skusta at mabilis na niyakap si Ava habang nagsasaya ang mga kaibigan nito.
Sa isang TikTok video kasama ang vlogger na si Tiyo Bri, itinanggi niyang engaged na siya kay Skusta Clee. Pinabulaanan ng aktres ang napapabalitang engagement nila ng rapper.
Ayon sa kaniya, ang video ay kuha noong Christmas Party ng Ex Battalion, kung saan makikitang niyakap siya ni Skusta na edited out mula sa vlog ni Angelica Yap o mas kilalang 'Pastillas Girl'.
Dagdag pa niya na sila ay naglalaro lamang ng "Pinoy Henyo" noong panahong nalaman ni Skusta ang sagot ay hindi niya napigilan ang kaligayahan at nagpatuloy sa pagyakap sa kasintahan.
