Solido kaagad ang unang laro ni Meralco Bolts import KJ McDaniels dahil sa double-double nito matapos tambakan ang Rain or Shine (ROS), 105-987, kung saan bumira lang ng 14 puntos si James Yap sa pagsisimula ng PBA Governors' Cup sa PhilSports Arena sa Pasig nitong Linggo ng gabi.
Bukod sa 27 puntos at 23 rebounds, naka-tatlong assists din si McDaniels at isang block.
Umagapay din kay McDaniels si Chris Banchero sa nakubrang 17 puntos, limang rebounds, at limang assists, gayundin si Allein Maliksi na nag-ambag ng 16 puntos.
Humakot naman ng 21 puntos si Rey Nambatac salungat sa import nila sa ROS na si Michael Qualls na nakaipon lang ng 14, malayo sa 53 puntos na hinakot nito sa tuneup game nila ng Bolts nitong Lunes.
National
