"Para silang kambal sa magkaibang ina!"
Iyan ang reaksiyon at komento ng mga netizen nang mapanood ang video ng paghaharap ng social media personality na si Whamos Cruz, at ang kaniyang kalook-alike na si "Whamsy".
Archdiocese of Manila, hindi mag-eendorso ng kandidato sa eleksyon
Isang nagngangalang "#AwitGamer" umano ang naging tulay upang makilala ni Whamos si Whamsy, matapos itong i-post sa social media.
“Unang una po sa lahat nagpapasalamat po ako kay kuya #Awitgamer KUNG hindi po dahil sa kaniya dahil marami na po sa akin nakikilala bilang #whamsy (emoji) at hindi po dahil sa kaniya hindi po kami magtatagpo ni kuya #Whamoscruz maraming maraming salamat po sa taos-pusong nag susuporta sa akin sana hindi po kayo magsawang suportahan po ako mga Ka-Whamsy," pasasalamat ni Whamsy.
Tuwang-tuwa naman si Whamos nang makaharap na ang dose anyos na si Whamsy, na aniya ay mas mukha pa raw kapatid niya kaysa sa kaniyang mga tunay na kapatid.
Bago umuwi si Whamsy ay binigyan ito ng mobile phone at cash ni Whamos. Pinag-shopping din ni Whamos ang "kakambal" upang masaya itong uuwi sa kanila.
