Viral ngayon sa social media ang litrato ng 6'5" power forward ng Ateneo Blue Eagles na si Dave Ildefonso matapos i-post ni "Dapat Alam Mo!" host Kim Atienza na kahawig niya ito.

Sa kanyang Facebook post nitong Miyerkules, ibinahagi ni Atienza ang larawan ni Ildefonso na nakauniporme pa ng basketball habang nakaupo hawak ang kanilang championship trophy sa katatapos na UAAP Season 85 men's basketball.

Sa nasabing larawan ni Ildefonso, kita ang pagkakahawig nito kay Atienza.

"Hindi ako yaaaneh, Good morning FB fam," pabirong sabi ni Kuya Kim.

Romualdez, nanawagan sa Kamara: 'Let us reject baseless accusations!'

Umani ng reaksyon ang nasabing post.

"Haha!!!" komento naman ni Senator JV Ejercito.

"Kuya Kim, goodluck papuntang Korea," komento ng isa sa netizens.

"CongratsKuya KimKuya Kim Atienza. Cyclist, Runner, Vlogger, Biker and a Champion Basketball player," pahabol naman ng isang fan ng naturang television host.

Si Dave ay kapatid ni Rain or Shine player Shaun Ildefonso at anak ni PBA legend, Converge FiberXers assistant coach Danny Ildefonso.