Isa sa mga napag-usapan sa latest showbiz vlog ni Ogie Diaz kasama ang co-hosts na sina Mama Loi, Tita Jegs, at Dyosa Pockoh ay ang isinagawang concert ni Jake Zyrus sa Amerika.
Ayon umano sa impormante ni Ogie, "flopsina" raw ang naturang concert at halos hindi raw nangalahati ang mga nagpunta upang manood sa concert, na naganap noong Sabado, Disyembre 10 sa San Diego, California.
$108 daw ang presyo nito na may kasama nang meet and greet.
“More or less 700 ang capacity, parang wala pang 200 yata ang umattend,” sey ni Ogie.
VP Sara sinabing si Romualdez ang gustong pumatay sa kaniya
Chika pa ng sources ni Ogie, intensiyonal daw ang hindi nila panonood dahil mas bet pa rin nila ang tinig ni "Charice Pempengco". Nag-iba na kasi ang tinig ni Jake, na siyempre ay bumagay sa kaniyang pinagdaanang transpormasyon.
Ang mas minahal daw ng mga tagahanga ni Jake ay ang timbre ng tinig ni Charice.
Hindi rin daw maka-konek sa audience si Jake, batay pa sa obserbasyon ng mga nakapanood.
Sey naman ni Ogie, nakakalungkot lang ang bagay na ito dahil kung tutuusin, ito talaga ang gustong gawin ng singer, ang mag-out, subalit tila nasakripisyo naman nang bonggang-bongga ang international singing career nito.
Sa kabilang banda, puwede rin daw na hindi happy ang iba sa happiness na nararamdaman ngayon ni Jake sa kaniyang sarili.
Hypothetical question ni Mama Loi, worth it daw ba na ginive up ni Jake ang kaniyang career para sa personal na kaligayahan?
Hirit naman ni Tita Jegs, baka naman kayanin niyang maibalik ang dati niyang pambirit na tinig.
Sey naman ni Ogie, baka imposible na rin dahil mamang-mama na ang datingan ni Jake ngayon; sa katunayan nga ay nagpapatubo na ito ng mga buhok sa katawan.
Samantala, kamakailan lamang ay napabalita ang pananawagan ulit ng kaniyang inang si Raquel Pempengco na matulungan sila sa pagpapagamot ng kaniyang kaisa-isang kapatid na lalaki na si Carl, na nakaranas ng mild stroke habang nagmamaneho ng motorsiklo.
Basahin: https://balita.net.ph/2022/12/14/utol-ni-jake-zyrus-nagka-mild-stroke-inang-si-raquel-pempengco-nananawagan-ulit-ng-tulong-sa-anak/">https://balita.net.ph/2022/12/14/utol-ni-jake-zyrus-nagka-mild-stroke-inang-si-raquel-pempengco-nananawagan-ulit-ng-tulong-sa-anak/
