May rebelasyon ang TikToker na si Rajin Navarro, ang netizen na nagbahagi ng viral video niya kay Choco Mucho Flying Titans Deanna Wong na sinasabing inisnab daw siya kahit sinundan pa niya ito nang hindi siya kausapin at pansinin kahit tinatawag na niya ang pangalan nito.
Makikita sa TikTok video ng netizen na si "Rajin Navarro" ang pag-hi niya kay Deanna na naispatan niya sa isang tila sinehan sa loob ng mall.
"Snobber ba talaga si Deanna? Kayo na bahala…" ayon sa text caption ng TikTok video.
Makikitang halos kadikit na ni Deanna (na nakasuot ng face mask) ang naturang TikToker subalit tila abala ang volleyball star sa pakikipag-usap sa kaniyang mga kasama.
Archdiocese of Manila, hindi mag-eendorso ng kandidato sa eleksyon
"Deanna… Deanna… tingin ka lang," paulit-ulit na pakiusap ng TikToker, subalit hindi na siya tinapunan ng tingin o sulyap nito.
Sa comment section ay nagkomento naman dito ang social media personality na si Jai Asuncion.
"Aww sorry ate you had to experience this 🥺," aniya.
Basahin: https://balita.net.ph/2022/12/04/volleyball-star-player-deanna-mansin-ng-fan-socmed-personality-na-si-jai-asuncion-nag-sorry/">https://balita.net.ph/2022/12/04/volleyball-star-player-deanna-mansin-ng-fan-socmed-personality-na-si-jai-asuncion-nag-sorry/
Umani naman ito ng iba't ibang reaksiyon at komento mula sa mga netizen hanggang sa mabash na nga si Deanna, kahit nasa El Nido, Palawan ito upang magbakasyon kasama ang mga kaibigan at partner na si Ivy Lacsina.
Ayon sa ulat, dahil sa gulong dulot ng kaniyang video, muli umanong gumawa ng TikTok video si Navarro upang ipaliwanag ang mga nangyari.
"Deanna Wong ‘yun, ganito lang oh, ganito lang ‘yung agwat namin, hindi ba kayo lalapit? Kinausap niya naman ako, sabi niya ‘Next time na lang daw’ sabi ko ‘Wala nang next time, minsan lang ako lumuwas ng Maynila’,” depensa ni Navarro sa kaniyang sarili.
Dahil dito, kinuyog si Navarro ng mga tagahanga ni Deanna. "The damage has been done" na raw, 'ika nila.
Sa ngayon ay tila naka-private na ang TikTok account ni Navarro.
