Sa kabila ng mga intrigang ipinupukol sa kaniya at sa kaniyang team, ipinagtanggol si Choco Mucho Flying Titans star player Deanna Wong ng co-owner ng tour and expeditions company na nag-asikaso sa kanila ni Ivy Lacsina at iba pang mga kasama, habang sila ay nagbabakasyon sa El Nido, Palawan.
Matatandaang bago magbakasyon ay inulan ng batikos at kritisismo mula sa mga netizen si Wong dahil sa kumalat na video ng isang tagahanga, kung saan makikitang inisnab daw siya ng sikat na volleyball star.
Basahin: https://balita.net.ph/2022/12/05/deanna-wong-dinepensahan-ng-fans-dedmadela-sa-mga-intriga-kasama-si-ivy-lacsina-sa-palawan/">https://balita.net.ph/2022/12/05/deanna-wong-dinepensahan-ng-fans-dedmadela-sa-mga-intriga-kasama-si-ivy-lacsina-sa-palawan/
Bagama't naglabas na ng opisyal na pahayag ang Choco Mucho Flying Titans, wala pang direktang tugon o pahayag si Deanna sa mga isyung ibinabato sa kaniya.
FL Liza Araneta-Marcos, nanguna sa pagbubukas ng ilang atraksyon sa Intramuros
Basahin: https://balita.net.ph/2022/12/05/pamunuan-ng-choco-mucho-flying-titans-dinepensahan-ang-kupunan-vs-pandededma-viral-video/">https://balita.net.ph/2022/12/05/pamunuan-ng-choco-mucho-flying-titans-dinepensahan-ang-kupunan-vs-pandededma-viral-video/
Isang netizen na nakakita kay Wong at Lacsina ang nagpatunay na hindi umano isnabera ang naturang volleyball player.
Makikita sa tweet ng netizen na si @beyuhdeI ang video clip ng pagpansin at pagkaway ni Deanna sa kaniya habang nakasakay sila sa isang sidecar ng partner na si Ivy Lacsina. Makikita sa video na todo-kaway ang volleyball star na kamakailan lamang ay binabatbat ng kritisismo dahil sa pagiging "dedma" sa ilang fans.
"Wag muna kayong umuwi! huhu I'm happy to see u na nag-eenjoy lang," saad ng netizen sa kaniyang tweet.
Basahin: https://balita.net.ph/2022/12/07/deanna-wong-todo-ngiting-namansin-kumaway-sa-isang-fan-habang-nakabakasyon-sa-el-nido/">https://balita.net.ph/2022/12/07/deanna-wong-todo-ngiting-namansin-kumaway-sa-isang-fan-habang-nakabakasyon-sa-el-nido/
Umani naman ito ng iba't ibang reaksiyon at komento mula sa mga netizen.
"Salamat El Nido! Dedma na tayo sa Boracay daming zombies do'n."
"Ayan may pang Ms.U na wave at hi, talagang naenjoy nila yung El Nido unlike sa Boracay na daming bubuyog."
"Pede endorser ng orocan."
"Kaway-kaway with flying kiss pa 'di ba?"
Isa pa sa mga nagpatunay na hindi isnabera si Wong ay ang co-owner nga ng Poseidon Tours and Expeditions company na sumama sa kanilang bakasyon na si Karen Alivio.
Makikita sa FB post ni Karen ang ilang mga aktibidad na ginawa ng pangkat nina Wong sa El Nido, at siya mismo ang magpapatunay raw na hindi nang-iisnab si Wong at ang mga kasama nito.
"Makiki-issue din tayo kasi bagot po ako, simple lang naman gusto nila Deanna at Ivy eh… lumangoy lang at maglaro kasama ng Poseidon Tours & Expeditions El Nido at syempre ituring silang kalevel ng mga tao. Ang humble di ba? Salamat sa masayang tour mga langga," aniya. Kalakip nito ang ilang mga litrato nina Deanna at kuhang video habang sila ay nagbi-beach volleyball.
"Asan ang isnabera dito bi? Siya pa nga nag-aya ng volleyball sa mga locals eh… Hays kadami papansin sa Pilipins, mga kulang sa waves," saad pa ni Karen kalakip naman ang video nina Deanna habang nagbi-beach volleyball.
"Waves hanap n'yo 'di ba? Eto oh, book na kayo with Kiteclub in Duli. Maraming salamat sa mainit na pagtanggap at masarap na foods! Deanna and Ivy are waving," sey naman sa isa pang Facebook post kung saan makikitang may hawak na surfing boards sina Deanna at Ivy, gayundin ang iba pang mga kasama.
Sa huli, si Karen na mismo ang nagpatunay na mabuting tao si Deanna at hindi umano deserve ang mga batikos at bash na natatanggap nito ngayon sa social media.
"Sa mga friends ko na di napagbigyan wishes, sorry po.They (Deanna & Ivy) deserved a quiet and peaceful vacation dahil sa mga taong mapanghusga at kulang sa pansin. Tao din po sila, may mood din at sariling struggles sa buhay. At sa totoo lang, sobrang mahiyain nila."
"Kami sa Poseidon Tours & Expeditions El Nido ay ginagawa lamang ang nais ng aming mga bisita. Isa kami sa magpapatunay, na mabuting tao si Deanna Wong. Daghang Salamat mga langga! Nag enjoy jud mi sa ato ang adventures," aniya.
Nakipag-ugnayan ang Balita Online kay Karen at pumayag na eksklusibong makapanayam tungkol sa isyu. Natanong ng Balita Online kung kumusta naman sina Deanna at Ivy sa buong bakasyon at paano niya sila ilalarawan?
"Hindi po sila snobbish, in fact mahiyain sila pareho. Dumating sila dito as customers and we parted ways as friends. Naging panatag sila sa amin kasi di namin sila pini-pressure sa ayaw nila like photos or videos. Gusto lang naman nila magpahinga at maranasan simpleng buhay."
"Di ako aware na ganon sila kasikat, kaya nong dumating sila dito, we treated them like how we treat other guests," ani Karen.
Kaya naman, may mensahe siya sa mga patuloy na nambabash kay Deanna, damay na rin ang partner nitong si Ivy.
"Sana maging considerate naman mga tao, nakakapagod ang career nila at tao lang sila gaya natin. May mood din sila, sariling alalahanin sa buhay na minsan nagiging dahilan para di nila makuhang maging masaya sa harap ng iba. Hindi sila pekeng mga tao."
"Kung naranasan nila off-cam ang dalawang to, they would know how genuine they are. Di ko sila kilala pagdating nila pero naging mabuting kaibigan ko sila bago sila umalis."
"Wag naman nilang sirain ang isang tao dahil lang sa hindi napagbibigyan lahat ng gusto nila. Bahala na po ang Diyos sa umuusig sa kay Deanna. We as friends, are praying na malampasan niya lahat ng 'to. Maraming salamat po."
