Muling tumaas ang bilang ng mga kaso ng Covid-19 sa Metro Manila mula sa pitong araw na average na 264 na kaso noong Nob. 24, hanggang 411 na kaso nitong Disyembre 1, na nangangahulugan ng 56 porsyento na lingguhang growth rate, ayon sa pinakabagong monitoring ng OCTA Research.
Sa isang update na naibahagi sa social media noong Biyernes, Disyembre 2, iniulat ng OCTA Research fellow na si Dr. Guido David na tumaas din ang iba pang mga indicator ng Covid-19, partikular ang positivity rate, na maaaring dala ng Omicron subvariant BQ.1.
VP Sara, FPRRD, pinilahan umano ng 40,000 katao sa kanilang Pamasko sa Davao City
Nabanggit niya na ang pitong araw na positivity rate—o ang porsyento ng mga indibidwal na nagbunga ng mga positibong resulta mula sa mga nasuri para sa Covid-19—ay tumaas mula 9.4 porsyento noong Nob. 23 hanggang 11.9 porsyento noong Nob. 30.
Inirerekomenda ng World Health Organization na ang positivity rate ay dapat manatili sa 5 porsiyento o mas mababa upang ipakita na ang pagkalat ng virus ay kontrolado.
“This rate of increase in the positivity rate in the National Capital Region is around the same rate of increase during the omicron BA.5 wave (from June) and the XBB (from September),” aniya pa.
“This projects to a December BQ.1 wave similar to the BA.5 and XBB waves,” dagdag niya.
Bukod pa rito, tumaas din ang reproduction number—o ang average na bilang ng pangalawang impeksyon—mula 1.11 noong Nob. 21 hanggang 1.32 noong Nob. 28.
Ang reproduction number na mas mababa sa 1 ay nagpapakita ng pagbaba sa mga impeksiyon.
Nabanggit din ni David na ang average daily attack rate o incidence rate ay nasa 2.85 bawat 100,000 populasyon.
Habang nananatiling "mababa" ang paggamit ng ospital, tumaas din ito mula 26 porsiyento noong Nob. 23 hanggang 28 porsiyento noong Nob. 30, idinagdag niya.
Ellalyn De Vera-Ruiz
