Marami ang napa-sana all, humanga, at nagpaabot ng pagbati kay Kapuso star Bea Alonzo matapos niyang ibalitang ganap na siyang residente o citizen ng Espanya dahil sa pag-iinvest niya sa real estate doon sa halagang 500,000 euros o katumbas ng ₱30 milyon.
Ayon sa panayam, nagbakasyon sa naturang bansa si Bea upang makuha niya ang kaniyang golden visa, at nakuha niya ito dahil sa "Residency by Investment" o RBI program para sa mga dayuhang nagnanais na maging residente, basta't may investment na hindi bababa sa 500K euros. Naipatayo na niya ang kaniyang apartment doon na talaga namang bonggang-bongga!
Tuwang-tuwa rin si Bea dahil maganda ang lokasyon ng apartment niya at malapit sa mga cafe.
“Galing ako sa isang mahabang bakasyon. 26 days, almost a month. Kakauwi ko lang this week from Europe. The reason why I went there was because I wanted to get my Golden Visa to Spain, so I'm now a resident of Spain,” aniya.
Matapos maligwak ang request: Paolo Duterte, pumayag manatili si VP Sara sa kaniyang opisina
Sa kaniyang vlog ay naibahagi ni Bea na nadala na niya sa naturang apartment sa Spain ang kaniyang ina.
Basahin: https://balita.net.ph/2022/11/22/i-am-now-a-resident-of-spain-bea-may-golden-visa-na-sa-espanya-%e2%82%b130m-binayad-sa-property/">https://balita.net.ph/2022/11/22/i-am-now-a-resident-of-spain-bea-may-golden-visa-na-sa-espanya-₱30m-binayad-sa-property/
Dahil dito, hindi naman naiwasan ng mga netizen na muling maungkat ang memes patungkol sa patok na pelikulang "Four Sisters and a Wedding" na pagsasama-sama nila bilang Salazar sisters, nina Toni Gonzaga (Teddie), Angel Locsin (Alex), Shaina Magdayao (Gabbie), at Enchong Dee (CJ/Rebreb).
Sa naturang pelikula, isa sa mga suliranin at pinagmulan ng conflict ng pamilya ay ang pagtatago ni Teddie nang totoo, na hindi talaga siya kumukuha ng masteral studies sa Barcelona, Spain, kundi nangangamuhan o nangangatulong. Isa raw kasi siya sa mga natanggal sa trabaho dahil hindi raw siya magaling.
Narito ang ilan sa mga reaksiyon at komento ng mga netizen.
"Buti pa si Bobbie may bahay at residente na sa Spain… si Teddie kaya?"
"Oh Teddie, kuha ka na rin ng bahay sa Spain, tutal mukhang kayang-kaya mo naman…"
"Bakit parang kasalanan pa ni Bobbie na mayaman siya at afford na magkaroon ng property sa Spain at maging residente doon?"
"Ano kayang masasabi ni Teddie na naungusan na naman siya ni Bobbie? Hahaha."
Sa Facebook page na "Main Pop Girls Stanposting", ganito rin ang hirit.
"Buti pa si Bobbie, charot," saad sa caption, kalakip ang screengrab mula sa isang online newspaper.
