Home

Vice Ganda, co-hosts, tuloy lang sa pagpapasaya kahit walang katiyakan saan papunta ang It's Showtime, ABS-CBN

November 20, 2022

Vice Ganda at Ryan Bang (Larawan mula sa YT Channel ng It's Showtime)

Vice Ganda, co-hosts, tuloy lang sa pagpapasaya kahit walang katiyakan saan papunta ang It's Showtime, ABS-CBN

By Richard de Leon

November 20, 2022

In BALITA

Diretsahang inamin ni "It's Showtime" host Vice Ganda na kahit wala na umanong katiyakan kung saan papunta ang kanilang noontime show, maging ang network dahil sa kawalan nito ng prangkisa, patuloy pa rin silang magpapasaya ng mga madlang pipol at avid Kapamilya viewers, ayon sa kaniyang pagpapasalamat.

Naganap ang pagbibigay-mensahe ni Meme Vice matapos manalong Grand Champion ng "Magpasikat" ang team ng anak-anakang si Ryan Bang at Jhong Hilario. Ito ang kauna-unahang pagkapanalo ni Ryan matapos ang ilang taon na ring ginagawa ang taunang pasiklaban ng co-hosts sa pamamagitan ng team effort.

Inamin ni Vice na kung tatanungin siya, hindi niya rin alam kung saan na ba papunta ang It's Showtime at ABS-CBN matapos silang mawalan ng prangkisa; subalit ipinagkakatiwala na lamang nila sa Diyos kung saan nga ba sila dapat mapunta.

“Kahit hindi na natin alam saan papunta ang Showtime, kahit hindi na natin alam saan papunta ang ABS-CBN, let’s keep on working and giving what the audience wants and need."

"Kung saan man tayo papunta kahit hindi natin alam, dadalhin naman tayo ng Diyos kung saan tayo nararapat.”

Bukod dito, pinasalamatan din ni Vice Ganda ang mga dating direktor at co-host na naging bahagi ng It's Showtime kagaya nina Direk Bobet Vidanes, Direk Mel Feliciano, Direk Boyet, at dating co-hosts na sina Billy Crawford, Coleen Garcia, Eruption, Kuya Kim Atienza, at iba pa.

Aminado rin si Vice na nagkasamaan sila ng loob subalit dapat pa rin silang pasalamatan dahil naging bahagi sila ng noontime show na iyon.

“Gusto kong balikan lahat ng masasayang alaala kasi masayang-masaya naman tayong lahat, mahal na mahal natin yung isa’t isa bago tayo hindi nagkaintindihan. Bago tayo nagkasakitan. Bago tayo nagalit sa isa’t isa, nagmahalan tayo,” aniya.

Basahin: https://balita.net.ph/2022/11/20/vice-ganda-emosyunal-na-pinasalamatan-sina-direk-bobet-billy-kuya-kim-at-iba-pa/">https://balita.net.ph/2022/11/20/vice-ganda-emosyunal-na-pinasalamatan-sina-direk-bobet-billy-kuya-kim-at-iba-pa/

PBBM sa National Teacher's Day: 'I wish you a joyful and productive celebration'

Nagpaabot ng mensahe si Pangulong Ferdinand “Bongbong” Marcos, Jr. para sa mga guro bilang bahagi ng National Teacher’s Day Celebration ngayong Sabado, Oktubre 5.Sa mensaheng inilabas ng Malacañang, sinabi ng pangulo na kinikilala umano nila ang lahat ng guro sa iba’t ibang panig ng mundo na ibinabahagi ang kahalagahan ng kahusayan at pagsisikap.“We acknowledge our educators all around...

Labor leader Sonny Matula, muling tatakbong senador sa 2025

Muling tatakbo ang lider-manggagawang si Atty. Sonny Matula bilang senador sa 2025 midterm elections upang patuloy raw na isulong ang karapatan ng mga manggagawa sa bansa, tulad ng pagpapataas ng kanilang mga sahod.Naghain ng certificate of candidacy (COC) si Matula nitong Sabado, Oktubre 5, sa The Manila Hotel Tent City.'Now na ang panahon para sa pagbabago, bagong dugo at bagong mukha naman...

Davao Occidental, niyanig ng magnitude 4.0 na lindol

Niyanig ng magnitude 4.0 na lindol ang probinsya ng Davao Occidental nitong Sabado ng umaga, Oktubre 5.Sa tala ng Philippine Institute of Volcanology and Seismology (Phivolcs), nangyari ang lindol na tectonic ang pinagmulan dakong 6:22 ng umaga. Namataan ang epicenter nito 431 kilometro ang layo sa timog-silangan ng Balut Island sa munisipalidad ng Sarangani, Davao Occidental, na may lalim na 249...