Sa kaliwa't kanang isyu ng tunay na dahilan ng social media hiatus ng tinaguriang "real-life Darna" na si Angel Locsin at mister niyang si Neil Arce sa kani-kanilang social media platforms, lalong umiigting ang kagustuhan ng mga netizen na malinawan sila, kaya naman nakaabang at nakabantay ang kanilang mga tagahanga at tagasubaybay sa kanilang latest updates sa socmed.

Sa verified Facebook account ni Angel, makikitang nag-uupdate naman dito ng litrato at videos ng mag-asawa, subalit napansin ng mga netizen na pulos lumang litrato at video ito.

VP Sara, tahasang iginiit na hindi niya binoto si Romuadlez

Hindi rin sigurado kung si Angel ba mismo ang nagka-caption o nagpo-post nito, o admin lamang niya. Kasama sa ibinahagi sa naturang verified account ang recorded video ng Facebook Live ng mag-asawa kung saan makikitang ginugupitan ng buhok ni Angel si Neil.

Narito ang mga reaksiyon at komento ng mga netizen.

"Matagal na 'yong vids 💗 Stay strong sa inyong mag-asawa🙏."

"Usap-usapan na hiwalay. Hindi naman pala."

"Ganda ni Angel… have a peaceful relationship po… mas mabuti iiwas sa SOCMED dahil napaka-toxic."

"New video pls…"

"Stay strong, Arces!"

Samantala, nag-post na rin ang idinadawit sa isyu na si Maxene Magalona na tila dedma siya sa mga isyung ikinakabit sa kaniya patungkol sa mag-asawa.

Basahin: https://balita.net.ph/2022/11/17/unfuckwithable-maxene-magalona-kalmante-lang-lampake-sa-bagong-isyu-sa-kaniya/">https://balita.net.ph/2022/11/17/unfuckwithable-maxene-magalona-kalmante-lang-lampake-sa-bagong-isyu-sa-kaniya/

Matatandaang nagsabi na rin ang matalik na kaibigan ni Angel na si Dimples Romana na maayos naman ang mag-asawa at ibigay na lamang dito ang pananahimik na gusto nito.

Basahin: https://balita.net.ph/2022/11/09/dimples-romana-nagsalita-na-tungkol-sa-pananahimik-ng-kaibigang-si-angel-locsin-sa-socmed/">https://balita.net.ph/2022/11/09/dimples-romana-nagsalita-na-tungkol-sa-pananahimik-ng-kaibigang-si-angel-locsin-sa-socmed/