Kilig na kilig ang mga tagahanga at tagasuporta sa sweet video nina Pambansang Kamao at dating Senador Manny Pacquiao at asawa nitong si Jinkee Pacquiao kung saan makikitang nilalambing-lambing ng mister ang kaniyang misis habang nakaupo sila sa isang sofa.
Makikita sa TikTok ni "Roize Royal" (@roize1318) ang video ng mag-asawa na may background music pang "Kiss Me" ng American alternative band na "Sixpence None The Richer."
Makikitang habang abala sa paggamit ng kaniyang cellphone ay tila binubulungan at may sinasabi si Manny kay Jinkee habang nakangiti. Maya-maya, "tinuka" na ni Jinkee ang mister sa kaniyang mga labi.
50.78% examinees, pasado sa Nov. 2024 Licensure Exam for Agriculturists
Narito naman ang reaksiyon at komento ng mga netizen:
"Sana all… sana makatagpo rin ako ng lalaking ganito."
"Ang sweet ni PacMan, ang ganda ni Jinkee!"
"Mga tinginang gigil ah hahaha. Baka Manny 'yan."
Ilang mga netizen naman ang bumuyo sa mag-asawa na sana raw ay madagdagan pa ang mga junakis nila.
"Mukhang madadagdagan na naman ang anak hehehehe kakatuwa naman naol sweet."
"Baka gustong umiskor ni Sir Manny kaya binubulungan si Ma'am Jinkee hahaha chos! Such a sweet couple!"
Sa ngayon ay umabot na sa 4M views ang naturang TikTok video.
